Handball spiela
Handballspiela isch mei Begehr,
i
wüsst net viel was scheener wär.
Handball spiela des isch fei
Bei oserem
Meglenger Handballverei.
Als Kend hau i scho a’gfanga
Mit der Hand en da Ball na langa.
Uff’m Großfeld em alter Sportplatz
Do isch mr grennt, s war a reachte Hatz.
Bei Reaga wars a Sauerei
Aber älle wared gern dabei.
Bei deane Pfütza hasch nemme tippa kenna
Bloß no renna, renna.
Sporthalla hats no net viel gea
Do hat mr emmer dia gleiche gsea
Zom Traineng en dr alta Gmeindehall
Isch mr sich vorkomma wia heit em ma Stall.
S‘ werfa von außa hasch net kenna iaba
no hasch miasa s‘ Tor verschieaba
A
Tor hat grad no so nei passt mit wenig Platz daneaba
So war des eaba.
Em Fuaßball treffet se oamol ens Tor
So ebbes kommt bei oos net vor.
Fuffzig, sechzig Treffer em a Spiel
Des geits oft, des isch net viel.
En Wechsel, sperra, dann dr Ball an Kreis
Des macht die ganze Halle heiß.
Dazwischa a scheener Wurf von henta
Des gibt dem Gegner schwer zu denka.
No misat se d grea Karta lega
Au wenn ses so bald net gern mega.
Wenns Spiel guat lauft send älle dobei
beim
oserem Meglenger Handballverei
Handball spiela des isch toll
Do isch dui Stadionhalle voll
Do isch was los en osera Halle
Do freiet sich halt alle.
Wenn d Nochbarverei kommet ond au verlieret
No kasch dui Freid so richtig verspüret.
No freiet sich älle ond send dobei
Bei oserem
Meglenger Handballverei.
Beim Kampf om da Ball, beim a ogschickta Schritt
do geits scho di oi oder ander Verletzeng mit
Em Fuaß, em Knui, an dr Schulter oder Fenger
Dia Mädla on Kerle sen älls schao arme Denger.
Handball spiela des isch guat
Do braucht mr Muat
Do braucht mr Kraft
Aber älle send jo voll em Saft.
Dr Saft ka älles megliche sei
A
Schorle, a Cola, en Sekt oder en Wei
Mehr bei emma Gwinn
bei ra Niederlag isch weniger drinn.
Mir senn os einig ond bleibet dabei
Handball spiela des muas sei
Bei oserem
Meglenger Handballverei.
Handball spiela muas mr kenna
Mr muas halt Traingsstonda nemma
Vom nexdoa gwennt mr net oa Spiel
Drom trainieret mir au viel.
On feieera deamer so wia heit
So kennet des dia Meglenger Leit
des kairt dozua
für d Mädla und für d Bua
Vom Handball spiela wirsch net reich
Des isch was jeder vo oos weiß.
Aber des macht einfach so viel Spass
do spielt mr net bloß für d Kass.
Zom Handball brauchsch d Kopf, ond Fiaß
ond Hend.
Versteha muasch de oft wiea blend.
Net emmer isch dr best der viel rennt,
schnell gugga muasch, wo d‘ andere send.
Miar gwennet au net jedes Spiel
Hauptsach isch aber mir verlieret net zu viel
S‘ gwenna macht halt viel mehr Spaß
Nô machet mr do Gegner naß.
Do wird naglangt, kämpft om jeden Ball
En osera
Stadionhall‘
Dia Schiri hend koin leichta Stand,
drom pfeifet se au mitanand.
Beim schnella Spiel miast se schnell entscheida
Ob Tor oder faul, ob Kreis ob Siebameter
Richtig pfeifa ka au net jeder.
Se sen aber wichtig, deans net vergraula
On dean net emmer bloß anse na maula.
Ohne d‘ Schiri gäbs koin Handball mehr
Drom behandlet se au emmer fair.
Uff dr Tribüne send älls a paar dobei
Dia sean alles andersch als dr gegnerische Verei –
des isch au reacht so, des isch dr Pfeffer
No send diea Spieler auch glei besser.
Ob Stürmerfoul, ob Schritte, Kreis
Dr MM immer älles besser weiß,
er schreit au laut, on alle höret
dass der Ball eigentlich ons gehöret.
Dr älteste Fan isch scho über dneunzich
D
Gretel isch emmer dobei ond freit sich.
De ganz Familie war emmer dobei
Bei oos ond andere Handballverei.
Ende März war bei oos dui WM vo de Kleine
Do war was los, en Krach ond Geschrei
ond alle waret mit Riesenbegeistereng dabei
Dui Halle war voll wie bei ma Zweitliga-Spiel
Bei jedem Spieltag wär oos des aber
z‘ viel.
Des isch
halt so, so solls au sei
machet
mit, sen weiter dobei
bei oserem
Meglenger Handballverei.
Etzt isch
Schluss, mir fällt nex mehr ei
Bleibet
dabei
Beim
Handball em Meglenger Turnverei.
Beim
Handball em Meglenger Turnverei.